cahit wacwac aco

kahit pa wacwac, wakwak, asuwang, aswang ako naniniwala rin naman ako sa maykapal tulad din ninyo. ano'ng akala niyo sa akin? basahin ninyo ito, nagustuhan ko talaga ito: http://zeyqullsnest.blogspot.com/2008/01/devotion.html

sa lahat ng wacwac, asuwang, mangcuculam, manananggal et al

kung ikaw ay isang wacwac, asuwang, mangkukulam, kahit pa manananggal o anupaman, kung ikaw ay nalulungkot dahil akala mo ikaw ay nag-iisa, naiiwanan na ng mundo, wag ka nang mag patumpik tumpik pa!

gumawa ka na rin ng bluggh! hane?

ito ang aking bluggh

Wacwack po ako, ito ang aking bluggh.

Sa tagalog po ang mababasa ninyong blugghing ko subali't minsan ay naalaala ko pang gamitin ang pranses, ingles, iresyano, russo, intsik, hapon, italiano at iba pang mga salita sa aking mga pakikisalamuha at paglalakbay kung nasa kalaliman na ng gabi, na sa akin pong kabiglaanan ay umaga pala sa ibang bayan! Ahaaaay! Mabulag bulag po ako sa icelandiya, greenlandiya, kahit sa russiya at iba pang lugar na may umagang mahaba at di-tulad ng umaga sa aking lupang tinubuan.

Ibig ko lang, makilala ninyo ako bilang ako. Mabait, tahimik, walang ginagambala, ni minsan hindi naging maligalig at nang-iiskandalo sa mga tenga niyo, sa puso niyo at kaluluwa.

Nabubuhay po ako na masaya bilang isang wacwack.

Hindo po tutoo na kumakain ako ng atay ng tao. Lalong hindi po ako kumakain ng puso ng tao. Baka ibang wacwack iyon.

Ang kapangayarihan ko po ay tungkol lamang sa mga pakikipagkaibigan. Pakikipag kapuwa wacwack (kung nararapat lamanag sa panlasa ko) at kapuwa tao (kung akma sa panlasa ko!)

Gumagamit po ako ng mga dasal. Sa pamamagitan nito'y, nararating ko din po ang hindi napupuntahan ng karaniwang mga nilalang, nguni't nakikita naman ng mga kuting, tuta at matured na pusa at aso.

Ito ang lugar na kung saan ang mga nakatira ay hindi nasa katawang tao kundi anyong cellophane or plastik ang mga katawan o bahagi nito. Parang transparent na mga tao, kahit ang mga hayop at iba pang bagay ay halos maaninag mo na ang nasa kabila nila. Marami po itong ganitong mga lugar. Mayroon pong nasa dagat, nasa lupa, sa ika-n na basement din po ng ating lupa mayroon, sa mga ilog, sa kabundukan - doon po ay napakarami talaga ng kakaibang bayan o lugar na di-pangkaraniwan.

Sana ay maibigan ninyo po akong dalawin sa aking bluggh na ito. Napakarami kong mapupulot sa inyo na mga tao. Maaari din pong may hindi sinasadya kayong matutunan sa akin dahil ang aking mundo po ay kakaiba sa karamihan sa atin.